SEÇİCİLƏRLƏ İŞ ÜZRƏ
MİLLİ MƏCLİSİN İCLASLARI
BEYNƏLXALQ FƏALİYYƏT
GƏNCLƏRLƏ İŞ ÜZRƏ
SOSİAL-İCTİMAİ MƏSƏLƏLƏR
DÖVLƏT QURUMLARI İLƏ ƏMƏKDAŞLIQ
MEDİA
Sabirabad rayonunun qaziləri Yusif Dəmirov və Vahid İmanovla birlikdə Mərkəzi Hərbi Polikinikaya getdik
Dünən Sabirabadlı 2 nəfər 2-ci Qarabağ müharibəsi qazisi ehtiyatda olan kapitan Dəmirov Yusif və baş çavuş İmanov Vahid həkim komissiyaların rəyindən narazı olduqlarını bildirdilər. Bununla bağlı olaraq Müdafiə Nazirliyinin Baş tibb idarəsi və poliklinikasının rəhbərliyi ilə danışdım və xahiş etdim ki, hər iki qazinin şikayətini şəxsən mənim iştirakımla yenidən dinləsinlər.
Hər iki qardaşımızın Sabirabaddan Bakıya gəlişini təmin etdik və birlikdə Mərkəzi Hərbi Polikinikaya getdik. Müəyyən etdik ki, kapitan Dəmirov Yusifin vətənin müdafiəsi zamanı aldığı xəsarətlər dəqiq müəyyən edilsə də, həmin xəsarətlər əlillik yaratmır. Vahidin isə əlavə müayinə və müalicəyə ehtiyacı var idi. Bütün məsələlər yerindəcə həll edildi və müvafiq köməkliklər edildi. Bütün tərəflər prosesin şəffaf və ədalətli olmasından razı qaldılar. Bununla əlaqədar Müdafiə Nazirliyinin Baş tibb idarəsi və Mərkəzi hərbi klinikanın rəhbərliyinə operativ reaksiya və dəstək üçün xüsusi təşəkkür edirəm.
Daha sonra qazilərimizin keçdikləri döyüş yolu və problemlərini də naharda ətraflı müzakirə etdik.
Şəhid ailələri və qazilərə daimi qayğı və dəstək bizim vətən və şərəf borcumuzdur.
